عرس عرابجه

عمرك حضرت عرس عرابجه ..؟ << خطير

---

السلآم عليكم ورحمه الله وبركاته


عمرك حضرت عرس عرابجه ..؟


ابقول لكم وش صار في ليلة عرس خطير


المواصفات

الاسم / خطير الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار يحوم الكبد خخخخخخخخخخخ

الولد خطير داشر 24 سااعه مشاكل وتفحيط وخرابيط

المهم ابوه قرر انه يزوجه .. يقووول : يمكن يعقل الولد !!!!

ويقوم يخطب له ابوه بنت عمه حصه !!! <<< عاد حصه خبله مثله

المهم يوم جاء العرس ولا اخونا خطير طالع مع اخوياه للثمامه يطعسون

وابوه يدق عليه

الاب: الووو خطير وينك؟

خطير: هلا والله طالع مع الشباب للثمامه ..

الاب: جعل تطلع روحك .. بلا .. تعال اليوم عرسك !!!

خطير : طيب العرس في اليل يمديني ارجع المغرب << رددو ياليــــل مااطولك

الاب: اقول امش .. جعلي امشّي العصى على ظهرك ..

خطير : طيب خلاص جاي ..

ويقفل التلفون ..

المهم .. ويجي دحيم ويلبسونه .. الخبل ناوي يروح بقميص نوم .. خخخخخخخ

.. ويمسكونه اخوانه .. ويلبسونه .. ويودونه للقصر ..

>>>>>>> خطير الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب

بلوت ...هع ..هع..هع

ويدخلون القصر .. ويجلسونه في المنصه .. وهو يقول ابي اروح اجلس عند القهوجيه .. ابي اتكي معهم ..واشرب

شاهي << ( والله منسم مررره)

ويلقطه اخوه .. ويجلسه على الكرسي .. ويجونه الناس يسلمون ..

المعازيم : مبرووك منك المال ومنها العيال ..

خطير : هلااااا .. ايه طيب يكون خير .. والله ما عندي ولا فلس << ( قايل لكم موب وجه زواج)

المهم .. ويدخلونه على الحريم ..

يوم دخل ..وهو الي يفتح كشرته ( ابتسامه عريضه ) خخخخخخخخخ

ويناظر في ذا البنيات ..

المهم .. يوم طقو الطقاقات .. الا وهو يطمر .. ويرقص سامري ..ويسحبه ابوه ويقول اركد لا تفشلنا!!!!

.. ويجلسه على الكرسي ..

وتجي وحده ترقص عنده .. وهو الي يضحك عليها .. ويقول اوووووه ما تعرفين ترقصين يا الدبه ... خخخخخخ

وانواع الاستهبال .... المشكله // الي ترقص امه مسيكينه .. تبي تفرح به

ما درت انه ما يستاهل .

.. ويقومون البنيات يرقصون عنده .. وهو يناظر .. يقول .. عاشوا والله عاشوا .. الا وابوه يصفقه على جبهته ..

خخخخخخخخخ

خطير : طيب خلاص ابنطم ..

.. يوم خلصوا .. وهو ياخذ العروس .. ويركبون السياره

ما درا الا تقوم حصيصه .. وتقول .. ما بغينا نطلع .. اقول ما عندك شريط كسراات .. ( شعبي) بشير شنان يعني؟

ملينا من ذا الطقاقات ازعجوني ..

الا وهو ينبسط على حرمته خبله مثله << الحمد لله والشكر

المهم .. وتقول له حصيصه : خطير ابسالك سؤال؟

خطير : اسالي !!!

حصيصه : انت الحين تعرف تفحط ؟؟؟

خطير : اكيــــــــــد انا احسن واحد يفحط ( مسوي فنان عندها وهو ما عنده ما عند جدتي )

حصيصه : والله!! .. ورني .. ابي اشوفك تفحط ..

خطير: ( توهق )

خطير : خليها بعدين موب اليوم ( يبي يصرف )

حصيصه : افاااا شكلك ما تعرف ههههههههههههههههههههههااااي

خطير : اوريك من الي ما يعرف ..

وهو الي يلف هذيك اللفه وطراااااخ في الماصوره على طوووول

والحين حصيصه وخطير في الشميسي الدور الاول غرفه 123

قسم الكسور

الزياره من 9 الى 12 ظهرا و 5 الى 9 مساء


ولا تنسون باقة الورد للعروسين >قصدي الحشيش
خخخخخخخخخخخخخخخخ

/21/c7c95341ed.gif" border="0" alt=""/>