أبد ماجيت ابارك لك ولكن جيت بأوصيك على اللي ناوي تدخل بها الليلة معذبتي
ترى لولا الظروف اللي عطتك وحدت محاكيك قسم بالله ماتدخل عليها لو على رقبتي
لكن النصيب أقوى ولا أدري ويش أسوي فيك نعم صارت معزبتك ولا صارت معزبتي
كذا شاءت بنا الأقدار تحرمني لأجل تعطيك كذا لازم عشان تفوز انت أخسر بتجربتي
تراها غالية جدا وتكفى والله يخليك تدللها تدلعها تنسيها مصاحبتي
أنا من كثر ما أغليها أحس اني بديت أغليك ولا تسأل بأية حق ولا وش مناسبتي
لأنك لو بتسألني بتسمع شيء ما يرضيك لذا ياخوي لاتسأل ولا تسمع لأجوبتي
أبيك تحطها في داخل عيونك وبين يديك وهي دلوعة أعتادت على كثرة مداعبتي
فداعبها شوي شوي حتى تشتهي طاريك وشاغبها ألين تقول لك بطل مشاغبتي
وإذا هي مالها خلقك ولا تضحك ولا تسليك تحملها واسألها يا عمري ليه عصبتي
وبالك اسمع انك يوم تضربها وهي تشكيك ما يحتاج اوري لك بفن الضرب موهبتي
صحيح انك بتملكها .... ومعاك الصك بالتمليك وأنا عارف حدود الله ومن حقك معاقبتي
لكن قلها المجنون وصاني وهو يعنيك يقول انه بينتضرك ولو شيب وشيبتي
وأنا مجنونها اللي ما نساها وانت مايمديك تغطي ذكرياتي في هواها وربع تجربتي
أحس اني تماديت بكلامي والغضب حاديك ولو انك في مكاني ما تفكر في محاسبتي
كفاك كفاك اني تركت الليلة اشغالي عشان أجيك دخلت القاعة برجلي ولا أدري ويش عاقبتي
وأنا ما جيت اخرب عرسك الليلة ولا أذيك أنا جيتك عشان أخاطبك واسمع مخاطبتي
توصى وانتبه واحرص عليها والله يهنيك ترى كل الكلام اللي طلع من ضيقي وكبتي
لكن ما قدرت اني أقوله وانت ما يخفيك أخاف اني اذا قلته تقوم وتقطع رقبتي
